Germaniýanyň kansleri Olaf Şols şu hepde Merkezi Aziýanyň bäş ýurdunyň Liderlerini kabul eder diýip, Germaniýanyň hökümetiniň metbugat sekretary Şteffen Hebestraýtyň aýdanlaryna salgylanyp, EURACTIV habar berýär.
Gazagystanyň, Gyrgyzystanyň, Özbegistanyň, Türkmenistanyň we Täjigistanyň Prezidentleri 29-njy sentýabrda Berlinde Şols bilen gepleşikleri geçirerler.
Metbugat wekili bu Ýewropa Bileleşigi ýurtlary bilen ilkinji bilelikdäki duşuşyk bolar diýmek bilen, sözüniň üstüni ýetirdi.
Hebestraýt "Gepleşikler ikitaraplaýyn gatnaşyklar, ykdysady meseleler we energiýa syýasaty hyzmatdaşlygy ýaly birnäçe ugurlary öz içine alar" – diýip belledi.
Hytaý we Ýewropa Bileleşigi ýaly dünýäniň beýleki ösen ýurtlary hem Merkezi Aziýa ýurtlary bilen hyzmatdaşlyk etmäge çalyşýar.
Hytaýyň Prezidenti Si Szinpin maý aýyndaky möhüm sammitde Merkezi Aziýanyň bäş Liderini kabul etdi we ABŞ-nyň Prezidenti Jo Baýden hem geçen hepde Nýu-Ýorkda BMG-niň Baş Assambleýasynyň çäginde “C5” bilen ilkinji duşuşygyny geçirdi.
