«Goşulyşmazlyk Hereketiniň hyzmatdaşlyk boýunça anyk gün tertibi bar.
Bu barada Türkmenistanyň Prezidenti Serdar Berdimuhamedow Goşulyşmazlyk Hereketiniň COVID-19 bilen göreşmek boýunça Aragatnaşyk toparynyň Sammitinde eden çykyşynda belledi diýip, Trend agentligi ýetirýär.
Onuň bellemegine görä, sammitiň çäklerinde lukmançylyk ulgamynda hyzmatdaşlyk gurallaryna seredilip bilner.
«Biz BMG-niň beýleki ynsanperwer edaralary bilen ýakyn hyzmatdaşlygy saklamalydyrys. Biz öz ykdysady gün tertibimizi öňe sürmelidiris. Mäkäm parahatçylyk hem-de durnuklylyk bolan ýagdaýynda biz üstünlik gazanyp bileris» - diýip, Serdar Berdimuhamedow belledi.
TmCars-yň habar berşi ýaly, sammitiň işine 70-den gowrak ýurduň wekilleri, şol sanda Bosniýa we Gersogowinanyň, Özbegistanyň, Yragyň, Liwiýanyň prezidentleri, Kubanyň, Gabonyň, Tanzaniýanyň wise-prezidentleri, Alžiriň we Keniýanyň premýer-ministrleri, dürli ýurtlaryň ýokary derejeli wekilleri, şeýle hem halkara guramalarynyň ýolbaşçylary — BMG-niň Baş Assambleýasynyň 77-nji mejlisiniň prezidenti Çabo Kýorýoşi, BMG-niň Bütindünýa syýahatçylyk guramasynyň Baş sekretary Zurab Pololikaşwili, Migrasiýa boýunça Halkara guramasynyň Baş direktory Antonio Witorino, BMG-niň Ženewadaky bölüminiň Baş direktory Tatýana Walowaýa, Ykdysady hyzmatdaşlyk guramasynyň baş sekretary Hysrow Noziri we beýlekiler, şeýle hem ministrler, ministrleri orunbasarlary, ilçiler we beýlekiler gatnaşýar.
