Türkmenistanyň Gahrymany, Hormatly il ýaşulusy, Türkmenistanyň Halk Maslahatynyň Başlygy Gurbanguly Berdimuhamedow kanun esasynda türkmen halkynyň Milli Lideri diýlip ykrar edildi. Bu barada «Watan» habarlar gepleşiginde habar berildi.
21-nji ýanwarda Aşgabatda geçirilen Milli Geňeşiň hem-de ýurduň jemgyýetçilik wekilleriniň bilelikdäki maslahatynyň jemleri boýunça «Türkmen halkynyň Milli Lideri hakynda» Türkmenistanyň Konstitusion kanuny kabul edildi. Kanun türkmen halkynyň Milli Lideriniň syýasy we hukuk ýagdaýyny kesgitleýär.
Konstitusion kanuna laýyklykda, türkmen halkynyň Milli Lideri Türkmenistanyň Halk Maslahatynyň hemişelik agzasy bolup durýar. Şeýle-de Milli Lidere onuň hemişelik ýa-da wagtlaýyn bolýan ýerinde, maşgala agzalaryna döwlet goragy üpjün edilýär. Türkmen halkynyň Milli Lideriniň we onuň maşgala agzalarynyň döwlet goragy döwletiň howpsuzlyk gulluklary tarapyndan amala aşyrylar.
