Ýewrokomissiýa (ÝK) Elefsisiň (Gresiýa), Timişoaranyň (Rumyniýa) we Wespremiň (Wengriýa) 2023-nji ýylda Ýewropanyň medeni paýtagtlary hökmünde saýlanandygyny resmi taýdan yglan etdi.
"Ýewropanyň medeni paýtagty ady Ýewropadaky medeniýetleriň baýlygyny we dürlüligini görkezmäge, durnukly syýahatçylygy höweslendirmäge we medeniýet arkaly şäherleriň ösmegine ýardam bermäge mümkinçilik döredýär. Şeýle hem bu şäherleriň özlerine-de, olara ýanaşyk sebitlere-de uzak möhletleýin oňyn sosial we ykdysady täsirlerini ýetirýär "- diýip, ÝK-niň anna güni Brýusselde çap edilen kommýunikesinde aýdylýar .
"2023-nji ýylyň dowamynda Ýewropanyň täze medeni paýtagtlary hemmelere öz medeniýetiniň baýlygyny we dürlüligini açmaga mümkinçilik berýän köp sanly çäreleri, sergileri we tomaşalary hödürlär" - diýip, ÝK-niň resmi wekili Ýohannes Barke Brýusselde geçen brifingde aýtdy.
Ýewropanyň medeni paýtagty diýen ada eýe bolmak hukugyny almak üçin şäherler öz "ýaşaýjylarynyň we jemgyýetçiliginiň bu işe işjeň gatnaşmagyny höweslendirip, güýçli Ýewropa ölçegli medeni maksatnamalary" işläp taýýarlamaly diýip, Ýewrokomissiýada bellediler.
