Şu gün ispace kompaniýasynyň Hakuto-R ýapon Aý gonuş enjamy Falcon 9 raketasynyň kömegi bilen Aýa uçurylar diýip, SpaceX göterijisiniň işläp taýýarlaýjysy habar berýär.
Uçuryş ABŞ-nyň Gündogar kenarýakasynyň wagty bilen 02:38-de (12:38 aşg.) Floridada Kanaweral burnunda amerikan Kosmos güýçleriniň bazasyndaky 40-njy uçuryş toplumyndan amala aşyrylar.
Hakuto-R Aýa üstünlikli gonduryljak taryhda ilkinji hususy kosmos apparaty bolup biler.
Bir tonna agramy bolan moduly 2023-nji ýylyň aprelinde Aýyň görünýän tarapynda Atlas kraterinde gondurmak meýilleşdirilýär. Birnäçe ylmy enjamlar bilen enjamlaşdyrylan bu apparat stasionar saýawan hökmünde barlag işlerini ýerine ýetirer.
Ölçegi 2-ä 2,5 metr bolan ýapon gonuş apparaty bilen bilelikde, Aýa Birleşen Arap Emirlikleri tarapyndan döredilen 10 kg-lyk Rashid lunohody hem uçurylar.
Rashid lunohody Aýyň üstüni surata düşürer we birnäçe barlaglary geçirer. Ol 14 sany ýer gününiň dowamynda maksatnamasyny ýerine ýetirer.
