Türkmenistanda pagta ýygymyna girişiler. 2-nji sentýabrda geçirilen Hökümet mejlisinde wise-premýer A.Ýazmyradow Prezident Serdar Berdimuhamedowdan il içinde hormatlanýan ýaşulularyň gatnaşmagynda pagta ýygymyna başlamagyň senesini belläp, oňa ak pata bermek baradaky haýyş bilen ýüzlendi.
Döwlet Baştutany Ahal, Balkan, Lebap we Mary welaýatlarynda 7-nji sentýabrda, Daşoguz welaýatynda bolsa 14-nji sentýabrda pagta ýygymyny başlamaga ak pata berdi. Hormatly Prezident ýaşululardan ýygymy “Bismilla” bilen başlap bermeklerini haýyş etdi.
“Harmanyňyza bereket, merdana pagtaçy daýhanlar!” diýip, döwlet Baştutany ýurdumyzyň edermen pagtaçylaryna, ähli oba hojalyk işgärlerine berk jan saglyk, maşgala abadançylygyny, berkarar Watanymyzyň mundan beýläk-de gülläp ösmegi ugrunda alyp barýan işlerinde uly üstünlikleri arzuw etdi.
