21-nji iýulda Gyrgyzystanyň Çolpon-ata şäherinde Yssyk-Köl kölüniň kenarynda Merkezi Aziýa döwletleriniň Baştutanlarynyň Konsultatiw duşuşygy geçiriler diýip, Sputnik Täjigistan habar berýär.
Merkezi Aziýa döwletleriniň — Gazagystanyň, Gyrgyzystanyň, Täjigistanyň, Türkmenistanyň we Özbegistanyň Baştutanlarynyň bu duşuşygy hasap boýunça dördünji. Üçünji Konsultatiw duşuşyk 2021-nji ýylyň awgustynda Türkmenistanda Awazada geçirilipdi.
Şol duşuşykda döwlet Baştutanlary daşary syýasat edaralarynyň ýolbaşçylaryna 2022-2024-nji ýyllar üçin sebit hyzmatdaşlygyny ösdürmek boýunça Ýol kartasynyň taslamasyny ylalaşmak boýunça işleri tamamlamagy tabşyrdylar.
Şeýle hem indiki Konsultatiw duşuşykda sebiti ösdürmek maksady bilen Dostluk, hoşniýetli goňşuçylyk we hyzmatdaşlyk hakynda Ylalaşygy gol çekmäge taýýarlamak tabşyryldy.
