Türkmenistanyň Prezidenti Gurbanguly Berdimuhamedow Türkiýe Respublikasynyň Prezidenti Rejep Taýyp Ärdogana hat iberdi we türk Lideriniň hem-de onuň maşgalasynyň koronawirus ýokanjy bilen keselländigi baradaky habary uly gynanç bilen kabul edendigini belledi.
Döwlet Baştutany hatynda “Gujur-gaýratyňyz we güýçli erkiňiz bilen Siziň bu keseli gysga wagtda ýeňip geçjekdigiňize berk ynanýaryn” diýip belledi we durmuşyň şu agyr günlerinde hemmetaraplaýyn goldamaga we zerur bolan halatynda ýardam bermäge taýýardygyny mälim etdi.
Ýeri gelende bellesek, ýakyn günlerde Türkiýe Respublikasynyň Prezidenti Rejep Taýyp Ärdogan jemgyýetçilik tory arkaly beren habarynda özüniň we aýaly Emine Ärdoganyň koronawirus ýokanjy bilen keselländigini aýtdy. Ol COVID-19 lukmançylyk barlaglarynyň pozitiw çykandygyny belläp, özlerinde koronawirusyň "omikron" ştammynyň ýüze çykarylandygyny, ýöne ony ýeňil geçirýändiklerini mälim etdi.
Türkiýäniň saglygy goraýyş ministri Fahrettin Koja Prezident Ärdoganyň we aýalynyň saglyk ýagdaýynyň gowudygyny belläp, keseliň ýurduň Prezidentiniň işine päsgelçilik bermeýändigini aýtdy.
