Ýaponiýanyň günbataryndaky Kioto prefekturasynyň Lukmançylyk uniwersitetiniň işgärleri täze koronawirusyň omikron-ştammynyň adam derisinde 21,1 sagatlap saklanyp biljekdigini anykladylar. Bu barada Singapuryň “The Straits Times” gazeti habar berdi diýip, TASS belleýär.
Şol bir wagtyň özünde “omikron” görnüşi plastik üstlerde 193,5 sagat saklanyp biler. Iki ýagdaýda-da ol ýokanjyň beýleki ştammlaryna garanyňda, has uzak saklanyş möhletini görkezdi. Muňa garamazdan, “omikron” we beýleki görnüşler spirt esasly sanitaýzer bilen gatnaşykdan soň 15 sekuntyň içinde ölýär diýip, gazet belleýär.
“Omikron” adyny alan koronawirusyň täze ştammy (В.1.1.529) 2021-nji ýylyň güýzüniň ahyrynda GAR-yň we Afrikanyň ýedi döwletiniň çäginde ýaýrap başlady. Häzirki wagta çenli ol dünýäniň köp döwletlerinde ýüze çykaryldy. Alymlaryň çaklamalaryna görä, “omikron” delta-ştammyna garanyňda has ýokuşagan, ýöne biologlar ony göterijilerde COVID-19 ýeňil görnüşde geçýär diýip hasaplaýarlar.
