Türkiýäniň eksport möçberi 2021-nji ýylda 225,36 mlrd dollara barabar bolup, bu respublika üçin rekorddyr. Bu barada Türkiýäniň prezidenti Rejep Taýyp Ärdogan habar berdi diýip, TASS belleýär.
“Geçen ýyl (2020-nji ýyl) bilen deňeşdirilende, 2021-nji ýylda eksport möçberi 32,9% ýokarlanyp, 225,36 mlrd dollar boldy. Bu rekord” – diýip, prezident Stambulda aýtdy.
Ärdoganyň aýtmagyna görä, “2021-nji ýylda Türkiýäniň daşary söwdasy 2002-nji ýyldaky 87,6 mlrd dollardan 496,7 mlrd dollara çenli artdy”. “Türkiýäniň daşary söwda ýetmezçiligi geçen ýyl bilen deňeşdirilende 7,8% - 45,9 mlrd dollara çenli azaldy, eksportyň importa gatnaşygy bolsa 83,1%-e çenli ýokarlandy. Türkiýäniň Günorta Amerika ýurtlaryna eksporty 86,6%, ÝB-den daşary Ýewropa ýurtlaryna – 29%, Ýakyn we Orta Gündogaryň ýurtlaryna – 22,6%, Demirgazyk Afrika ýurtlaryna – 44,8% ýokarlandy” – diýip, türk lideri sözüniň üstüni ýetirdi.
Mundan başga-da, Ärdogan “Türkiýäniň ilkinji gezek çökgünlikleri dolandyrýan we olaryň täsiriniň astynda çüýremän, gaýtam olary mümkinçiliklere öwürýän ýurt bolandygyny” nygtady.
