Ilon Maskyň esaslandyran Tesla kompaniýasy ýylyň dowamynda elektrikli ulaglaryny satmak boýunça täze rekord goýdy. Bu barada kompaniýanyň ýekşenbe güni çap eden maglumatyna salgylanyp, TASS habar berdi.
Tesla 2021-nji ýylda müşderilere 936172 elektrikli ulag satdy, bu bolsa 2020-nji ýyldaky 499647 birlik rekorddan iki esse köpdür. Şeýlelik bilen, üpjünçiligiň ösüşi 87%-e barabar boldy. Şol bir wagtyň özünde, 2021-nji ýylyň soňky çärýeginde 308600 sany elektrikli ulag müşderilere gowşuryldy. Bu bolsa ugradylan awtoulaglaryň jemi sanynyň üçden birine barabardyr.
Netijede, kompaniýa ýylyň dowamynda bir ýylda öndürileninden has köp, ýagny 930422 birlik awtoulag satmagy başardy diýip, çeşme belleýär.
Ýeri gelende bellesek, 2021-nji ýylyň oktýabr aýynda kompaniýanyň bazar bahasy ilkinji gezek 1 trillion dollardan geçdi.
