Ferrari kompaniýasy transmissiýa bilen gönüden-göni mehaniki arabaglanyşygyň bolmagyna garamazdan, açyk kulisaly klassik mehaniki geçiriş gutusynyň işini gaýtalaýan transmissiýa selektoryna patent hasaba aldy.
Patent ABŞ-nyň Patentler we haryt nyşanlary edarasyna berildi.
Işläp taýýarlama adaty H-görnüşli ülňi boýunça hereket edýän ryçаgdan ybaratdyr. Onuň hereketleri elektron ulgam tarapyndan geçiriş gutusynyň dolandyryş blogy üçin sanly signallara öwrülýär.
Konstruksiýa mehaniki transmissiýada geçirijileri üýtgedende emele gelýän garşylygy we güýji döredýän dempfirleýji (ýumşadyjy) mehanizm bilen enjamlaşdyrylandyr.
Mundan ozal «Ferrari» elektron ssepleniýe pedaly üçin hem patent alypdy. Ol hereketlendiriji we geçiriş gutusy bilen gönüden-göni baglanyşykly däl-de, basyş derejesini sanly buýruklara öwürýär. Hakyky ssepleniýanyň işini gaýtalamak üçin inženerler pedaly basanda güýjüň üýtgemegini gaýtalaýan ýörite mehanizmi göz öňünde tutupdyrlar.
Sanly kulisa we elektron pedal birleşmesiniň hem «Ferrari-niň» robotlaşdyrylan transmissiýaly superkarlarynda, hem-de markanyň geljekki elektrokarlarynda mehaniki geçiriş gutusy bolan awtoulagy dolandyrmak duýgusyny gaýtalamaga mümkinçilik berjekdigine garaşylýar.
