«FAW-Toyota» bilelikdäki kärhanasy Hytaýda ýerli önümçilikdäki «Land Cruiser 250 (Prado)» wnedorožnikleri üçin yzyna çagyryş kampaniýasynyň başlanandygyny yglan etdi. Hytaýa import edilýän meňzeş platformaly «Lexus GX500h» awtoulaglary hem hyzmat aktsiýasyna girdi.
Yzyna çagyrmagyň sebäbi sanly enjamlar panelindäki programma näsazlygy boldy. Hereketlendiriji işledilen pursadynda ekran dogry açylman bilýär, bu bolsa sürüjiniň möhüm görkezijileriň bir bölegini görmegine päsgel berýär.
Hytaýyň kadalaşdyryjy edarasy we awtoulag öndürijisi munuň hereket howpsuzlygyna howp salýandygyny ykrar etdiler. Kemçiligi aradan aýyrmak üçin awtoulag eýeleri programma üpjünçiligini täzelemek maksady bilen diler merkezine barmaly bolarlar.
Bu mesele aşakdaky awtoulaglara täsir etdi:
- Toyota Land Cruiser Prado: 2024-nji ýylyň 16-njy iýulyndan 2025-nji ýylyň 27-nji sentýabryna çenli «FAW-Toyota» zawodyndan çykan 9408 awtoulag.
- Lexus GX500h: 2024-nji ýylyň 28-nji fewralyndan 2025-nji ýylyň 26-njy dekabryna çenli öndürilen 2945 awtoulag.
