Bütindünýä Saglygy Goraýyş Guramasynyň Ýewropa sebit edarasynyň bilermenleri Türkmenistana saparyny tamamladylar. Saparyň netijeleri boýunça hünärmenler ýurduň saglygy goraýyş ulgamynyň COVID-19-a garşy göreşmäge taýýarlygyny ýokarlandyrmak boýunça maslahatlary işläp düzdüler. Bu barada BMG-niň Türkmenistandaky wekilhanasynyň saýtynda neşir edilen metbugat beýanynda aýdylýar.
«Keselleme ýagdaýlarynyň öz wagtynda ýüze çykarylmagy goşmaça täsir ediş serişdelerini, şol sanda aragatnaşyklary yzarlamak, karantin, zerur bolan bejergini üpjün etmek ýaly çäreleri herekete girizmäge ýardam eder» diýip, BSGG-niň Ýewropada adatdan daşary ýagdaýlar boýunça sebit direktory Dorit Nisan belledi.
Saparyň çäklerinde BSGG-niň bilermenleri Saglygy goraýyş we derman senagaty ministrliginiň hünärmenleri bileen bakteriologiýa we wirusologia ulgamynda sebitara mümkinçilikleri berkit babatda maslahatlaşdylar. Şeýle hem COVID-19-y ýüze çykarmak üçin wiruslaryň genetiki yzygiderligini sazlamak mümkinçiligi öwrenildi.
BSGG-niň bilermenleri Türkmenistana saparynyň dowamynda teklipleri taýýarlamak üçin birnäçe saglygy goraýyş edaralaryna baryp gördüler.
