BTK ugry boýunça Türkmenistan 6 aýda 912 TEU ýük iberdi

BTK ugry boýunça Türkmenistan 6 aýda 912 TEU ýük iberdi

2021-nji ýylyň ýanwar-iýun aýlarynda Baku-Tbilisi-Kars demir ýol ugry boýunça jemi 11084 TEU (20 metrlik standart konteýner) daşaldy. AZERTAG agentliginiň ADY Container-e — «Azerbaýjan demir ýollary» ÝGPJ-niň golçur kärhanasyna salgylanyp habar bermegine görä, bu rekord görkeziji bolup, ol geçen ýylyň tutuş dowamynda bu ugurdan daşalan konteýnerleriň umumy sanyna (11748 TEU) ýetýär diýen ýaly.

BTK ugrunyň üsti bilen Türkiýä üstaşyr daşamanyň umumy mukdarynyň aglabasy Gazagystandan - 3206 TEU daşaldy, Hytaý ikinji ýerde - 2915 TEU, Türkmenistan üçünji ýerde - 912 TEU, soňra Özbegistan - 747 TEU.
Şu ýylyň ýanwar aýyndan bäri BTK demir ýolunyň üsti bilen 369 TEU import, 397 TEU eksport hem-de 10318 TEU üstaşyr ýükleri işlenildi. Konteýner önümlerine esasan reňkli metallurgiýa we himiýa önümleri, tehnika, däne we galla önümleri, dokma önümleri, haýwan iýmiti we gurluşyk materiallary girdi.
Baku-Tbilisi-Kars demir ýoly 2017-nji ýylyň oktýabr aýynda ulanylmaga berildi. Tranzit bu ugurdaky umumy ýük gatnawynyň 81% -ini tutýar.