2026-njy ýylyň 1-nji sentýabryndan Russiýada transplantasiýa etmäge rugsat berilýän beden agzalarynyň we dokumalaryň täzelenen sanawy güýje girýär.
Russiýanyň Saglygy goraýyş ministrliginiň degişli buýrugy bilen bu sanawa nerwler, oňurga ýiligi we onuň bölekleri, şeýle hem süňkler we olaryň bölekleri goşuldy. Onuň ornuna kelleçanagyň gümmez süňkleri we aşaky äň sanawdan çykaryldy. Resminamada: «Şu buýruk 2026-njy ýylyň 1-nji sentýabryndan güýje girýär we 2031-nji ýylyň 1-nji sentýabryna çenli hereket edýär» diýlip bellenilýär.
Şobuň bilen bir wagtda ýokarky agzalaryň (el-gollaryň) transplantasiýasynyň hökmany lukmançylyk ätiýaçlandyryşy ulgamy boýunça mugt bolandygy habar berilýär. Şeýle-de muňa böwrek göçürmek hyzmaty hem degişli edildi.
Russiýada ilkinji gezek Moskwa şäheriniň lukmanlary el transplantasiýasyny geçirip başladylar. Paýtagtyň saglygy goraýyş departamenti munuň häzirki zaman hirurgiýasynyň we mikrohirurgiýasynyň iň çylşyrymly ugurlarynyň biridigini belleýär.
