Türkmenistanyň Prezidenti Serdar Berdimuhamedow 2026-njy ýylyň 24-nji aprelinde Mary we Lebap welaýatlarynyň etraplarynyň ýolbaşçylygyndaky üýtgeşmeler hakynda birnäçe Permana gol çekdi.
Üýtgeşmeler Hojambaz, Türkmengala we Baýramaly etraplarynyň häkimleriniň wezipelerine degişli boldy.
Resminamalara laýyklykda:
- Merdan Bebitowiç Poladow Lebap welaýatynyň Hojambaz etrabynyň häkimi wezipesine bellenildi.
- Magtymguly Saryýewiç Saryýew pensiýa gitmegi sebäpli, Mary welaýatynyň Türkmengala etrabynyň häkimi wezipesinden boşadyldy.
- Azat Rejepmyradowiç Gurbanow Mary welaýatynyň Türkmengala etrabynyň häkimi wezipesine bellenildi.
- Baýram Seýlapberdiýewiç Çungaýew başga işe geçmegi sebäpli, Mary welaýatynyň Baýramaly etrabynyň häkimi wezipesinden boşadyldy.
Döwlet Baştutanynyň Karary bilen, Baýramaly etrabynyň häkiminiň wezipesini wagtlaýyn ýerine ýetirmek häkimiň orunbasary Nurmyrat Şadurdyýewiç Muhommedowyň üstüne ýüklenildi.
