Türkmenistanyň Prezidenti Serdar Berdimuhamedow 13-nji fewralda geçirilen Ministrler Kabinetiniň giňişleýin mejlisinde Aşgabat şäheriniň häkimliginiň we etrap häkimlikleriniň ýolbaşçy düzüminde üýtgeşmeleri geçirip, degişli Kararlara gol çekdi.
Türkmenistanyň Prezidentiniň gol çeken resminamalaryna laýyklykda:
- Özüne ynanylan wezipäni oňarmandygy üçin Döwletnazar Ilamanowiç Muhammedow Aşgabat şäheriniň häkiminiň orunbasary wezipesinden boşadyldy.
- Merjen Gündogdyýewna Geldiýewa Aşgabat şäheriniň häkiminiň bilim, medeniýet, saglygy goraýyş we sport boýunça orunbasary wezipesinden boşadyldy. Bu wezipä Gülşirin Söýunowna Niýazseidowa bellenilip, ol Aşgabat şäheriniň Bagtyýarlyk etrabynyň häkiminiň orunbasary wezipesinden boşadyldy.
- Aýjahan Kemalmuhammedowna Şiriýewa Aşgabat şäheriniň Bagtyýarlyk etrabynyň häkiminiň orunbasary wezipesine bellenildi.
- Özüne ynanylan wezipäni oňarmandygy üçin Guwanç Aşyrgeldiýewiç Jumaýew Aşgabat şäheriniň Bagtyýarlyk etrabynyň häkiminiň orunbasary wezipesinden boşadyldy.
- Özüne ynanylan wezipäni oňarmandygy üçin Arslan Kakageldiýewiç Saparow Aşgabat şäheriniň Berkararlyk etrabynyň häkiminiň orunbasary wezipesinden boşadyldy. Bu wezipä Annamuhammet Muhammetmyradowiç Hummedow bellenildi.
