Ilon Maskyň baýlygy 850 mlrd dollardan geçdi: Ol eýýäm şu ýyl dünýäde ilkinji trillioner bolup biler

Ilon Mask maliýe rekordlaryny täzeden ýazýar. Onuň umumy baýlygy 852 milliard dollara ýetdi we ol kapitaly 800 milliarddan aşan dünýädäki ilkinji ynsan boldy. Bu duýdansyz ösüş SpaceX we xAI kompaniýalarynyň birleşmegi netijesinde ýüze çykdy. Birleşen täze ägirt kompaniýanyň umumy bahasy 1,25 trillion dollar möçberinde bahalandyrylýar.
«Forbes» neşiriniň hasaplamalaryna görä, diňe şu birleşme söwdasyndan Mask 84 milliard dollar girdeji gazandy. Birleşen kompaniýada onuň 43% paýy bar, bu bolsa 542 milliard dollara deňdir. Onuň «Tesla» kompaniýasyndaky 12% paýy 178 milliard dollar hasaplanýar, goşmaça opsiýalarynyň bahasy bolsa 124 milliard dollara ýetýär.
Soňky dört aýyň dowamynda Mask birnäçe maliýe sepgitlerini geçdi. Onuň umumy baýlygy oktýabrda 500 mlrd dollara, noýabr-dekabr aýlarynda - 600 we 700 mlrd dollara, indi bolsa 852 mlrd dollara ýetdi.
Bu görkeziji ony dünýäniň iň baý adamlarynyň sanawynda ikinji orundaky «Google» esaslandyryjysy Larri Peýjden (281 mlrd dollar) üç esse öňe saýlady.
Çaklamalara görä, eger SpaceX kompaniýasy şu ýyl birža çyksa, Ilon Mask 2026-njy ýylyň ahyryna çenli adamzat taryhyndaky ilkinji trillioner bolar.