Ýaponiýanyň Kindaý uniwersitetiniň hünärmenleri ultrases barlaglarynda (UZI) adaty geliň deregine ulanyp boljak polimer "ýassygy" döretdiler. Bu täzelik barada "Scientific Reports" ylmy žurnalynda makala çap edildi.
Täze önüm ultrases enjamynyň datçigi bilen deri arasyndaky howa boşlugyny doly aýyrýar we anyk diagnoz goýmak üçin ýokary hilli şekili üpjün edýär.
Polimer materialyň düzümine tropiki ösümlik bolan tamarindiň (kösükli ösümlik) tohumlary goşuldy. Bu oýlap tapyş adaty gelleriň esasy kemçiliklerini, ýagny çalt guramagyny we näsaglarda döredýän oňaýsyzlyklaryny aradan aýyrýar.
Suwuk gellerden tapawutlylykda, gaty örtük ulanmakda has amatly bolup, enjamyň we eşikleriň hapalanmak töwekgelçiligini nol edýär.
Barlagçylaryň bellemegine görä, bu innowasiýa diagnostika pudagyndaky häzirki zaman tehnologiýalarynyň, şol sanda smartfonlara birikdirilýän göçme UZI apparatlarynyň mümkinçiliklerini has-da giňelder. Täze örtügiň aňsatlyk bilen çalşylmagy we ulanmaga taýynlygy lukmanlaryň işini ep-esli ýeňilleşdirer.
