Prezident Serdar Berdimuhamedow Türkmenistanyň diplomatik gullugynyň maliýe meseleleri hakynda Karara gol çekdi. Bu resminama Türkmenistanyň daşary ýurt döwletlerindäki diplomatik wekilhanalarynyň we konsullyk edaralarynyň işini kämilleşdirmek we olaryň öz üstüne ýüklenilen wezipelerini netijeli ýerine ýetirmegini üpjün etmek maksady bilen kabul edildi.
Karar “Diplomatik gulluk hakynda”, “Türkmenistanyň daşary ýurt döwletlerindäki diplomatik wekilhanalarynyň statusy hakynda” we “Konsullyk gullugy hakynda” Türkmenistanyň Kanunlaryna laýyklykda kabul edildi.
