Serdar Berdimuhamedow Sadyr Žaparowy doglan güni bilen gutlady

  • şu gün 16:30
  • 663
Serdar Berdimuhamedow Sadyr Žaparowy doglan güni bilen gutlady

Prezident Serdar Berdimuhamedow Gyrgyz Respublikasynyň Prezidenti Sadyr Žaparowa doglan güni mynasybetli tüýs ýürekden gutlaglaryny we iň gowy arzuwlaryny iberdi.

“Gyrgyz Respublikasy Siziň öňdengörüjilikli, ynamly ýolbaşçylygyňyzda döwlet gurluşyny pugtalandyrmakda, jemgyýetçilik-ykdysady ösüşde hem-de halkara derejede ýurduň abraýyny has-da belende galdyrmakda uly üstünlikleri gazanmagyny dowam etdirýär” diýlip, hatda bellenilýär. Döwlet Baştutanymyz Türkmenistan bilen Gyrgyz Respublikasynyň arasyndaky ähli ugurlar boýunça hyzmatdaşlygyň işjeň we netijeli häsiýetini belläp, ýurtlarymyzyň arasyndaky dostlukly gatnaşyklary berkitmäge Prezident Sadyr Žaparowyň aýratyn üns berýändigini hem-de şahsy goşandyny nygtady.

Prezident Serdar Berdimuhamedow şu ýakymly mümkinçilikden peýdalanyp, Prezident Sadyr Žaparowa berk jan saglyk, bagtyýarlyk, Gyrgyzystanyň halkynyň bähbidine alyp barýan jogapkärli döwlet işinde täze üstünlikleri arzuw etdi.
Sadyr Žaparow 1968-nji ýylyň 6-njy dekabrynda dünýä indi. 2021-nji ýylyň 28-nji ýanwarynda ýurduň Prezidenti boldy. 

Türkmenistanyň Prezidenti Finlýandiýany Garaşsyzlyk güni bilen gutlady
şu gün 16:27
285

Türkmenistanyň Prezidenti Finlýandiýany Garaşsyzlyk güni bilen gutlady

Prezident Serdar Berdimuhamedow Finlýandiýa Respublikasynyň Prezidenti Aleksandr Stubba we ýurduň ähli halkyna Finlýandiýa Respublikasynyň Garaşsyzlyk güni mynasybetli mähirli gutlaglaryny we iň gowy arzuwlaryny iberdi...

Daşary ýurt neşirleri Türkmenistanyň hemişelik Bitaraplygynyň 30 ýyllygy barada çykyş etdiler
şu gün 10:41
2.6k+

Daşary ýurt neşirleri Türkmenistanyň hemişelik Bitaraplygynyň 30 ýyllygy barada çykyş etdiler

«Business Сentral Asia» halkara žurnaly Hindistanyň Nýu-Deli şäherinde çap edilýän hem-de Aziýa sebitinde, sebitiň çäklerinden alyslarda ýaýradylýan «Business Сentral Asia» halkara žurnaly şu ýylyň noýabr aýyndaky sanyny Türkmenistanyň hemişelik Bitaraplygynyň 30 ýyllygyna bagyşlady...

Merkezi Aziýada üstaşyr ýük daşamalarynda gümrük amallaryny iň tiz Türkmenistanyň gümrük nokatlary ýerine ýetirýär
şu gün 10:31
5.3k+

Merkezi Aziýada üstaşyr ýük daşamalarynda gümrük amallaryny iň tiz Türkmenistanyň gümrük nokatlary ýerine ýetirýär

Merkezi Aziýa ýurtlaryň arasynda üstaşyr ýükleriň daşamalarynda Türkmenistanyň gümrük nokatlary gümrük amallary üçin iň gysga wagty sarp edýär. Şeýle netije Germaniýanyň Halkara hyzmatdaşlyk jemgyýeti (GIZ) tarapyndan Merkezi Aziýa ýurtlaryň çäklerinden harytlaryň eksportynda we üstaşyr geçirilmeginde sarp edilýän wagt we çykdajylar boýunça geçirilen barlaglarynyň netijeleri boýunça alyndy...

Türkmenistanda dekabryň aýlyk zähmet haklary 20-sine çenli töleniler
şu gün 00:23
14k+

Türkmenistanda dekabryň aýlyk zähmet haklary 20-sine çenli töleniler

Prezident Serdar Berdimuhamedow 5-nji dekabrda geçirilen Hökümet mejlisinde wise-premýer H.Geldimyradowa eýeçiligiň görnüşine garamazdan, ähli edara-kärhanalaryň işgärlerine 20-nji dekabra çenli aýlyk zähmet haklarynyň tölenilişine berk gözegçilik etmegi,  bu ugurda geçirilen işleriň netijeleri barada hasabatlary bermegi tabşyrdy...