Prezident Serdar Berdimuhamedow Rumyniýanyň Prezidenti Nikuşor Dana we ýurduň ähli halkyna Rumyniýanyň Milli güni mynasybetli mähirli gutlaglaryny, iň gowy arzuwlaryny iberdi. Bu barada TDH habar berýär.
Döwlet Baştutany mümkinçilikden peýdalanyp, Prezident Nikuşor Dana tüýs ýürekden berk jan saglyk, bagtyýarlyk, ýurduň halkyna bolsa parahatçylyk, abadançylyk hem-de rowaçlyk arzuw etdi.
Rumyniýanyň Milli güni her ýylyň 1-nji dekabrynda bellenilip geçilýär. 1918-nji ýylda bu senede taryhy rumyn welaýatlarynyň ählisini (Transilwaniýa, Bessarabiýa, Bukowina we beýlekiler) bir bitewi döwletiň düzümine birleşdirýän Beýik birleşik hakynda Jarnama gol çekildi. Bu sene 1990-njy ýyldan soň resmi taýdan bellenilip başlandy.
