Google kompaniýasyny esaslandyryjylaryň biri bolan Sergeý Brin 245 mlrd dollar baýlygy bilen dünýäniň iň baý adamlarynyň ilkinji üçlügine girdi.
Forbes neşiriniň hasaplamalary boýunça, ol Oracle-yň egindeş esaslandyryjysy Larri Ellisondan öňe geçdi. Oracle kompaniýasynyň paýnamalary birnäçe aý işjeň ýokarlanyp, oktýabrda iň ýokary derejesine ýetipdi, ýöne soň 35% pese gaçdy.
Dünýäniň iň baý adamy Tesla-nyň esaslandyryjysy Ilon Mask bolup galýar – onuň baýlygy 480,5 mlrd dollar diýlip hasaplanýar. Ikinji orny Google-yň beýleki esaslandyryjysy Larri Peýj (262,2 mlrd dollar) eýeleýär.
