Anthropic kompaniýasy bazar bahasy boýunça özüniň iň esasy bäsdeşi bolan OpenAI kompaniýasyny yzda galdyryp, dünýäniň emeli aň maksatly iň gymmat startapyna öwrüldi. Bu barada Amerikanyň meşhur The New York Times gazeti habar berýär.
Ýakynda geçirilen täze maýa goýum tapgyrynda Anthropic kompaniýasy özüne 65 milliard dollar serişde çekmegi başardy. Alnan bu täze maýa goýumlary bilen bilelikde kompaniýanyň umumy bazar bahasy ägirt uly möçbere – 965 milliard dollara ýetdi.
Deňeşdirmek üçin OpenAI kompaniýasynyň iň soňky bahalandyrylyşy 730 milliard dollar.
Anthropic we OpenAI dünýäde emeli aň ulgamlaryny iň öňdebaryjy derejede ösdürýän ägirt uly işläp taýýarlaýjylar hasaplanylýar. Anthropic-iň bahasynyň beýle tiz ýokarlanmagy, dünýä maýadarlarynyň emeli aň tehnologiýalaryna bolan gyzyklanmasynyň we bu ugurdaky uly bäsdeşligiň barha güýçlenýändigini görkezýär.
