Samsung kompaniýasy täze Galaxy Book 6 Edge noutbugyny hödürledi. Bu model Qualcomm kompaniýasynyň Snapdragon X2 Elite prosessory bilen enjamlaşdyrylan Galaxy Book 6 hatarynyň ilkinji önümidir. Emeli aň ýumuşlary üçin çibiň öndürijiligi 80 TOPS görkezijisine ýetýär.
Noutbuk 3K durulygy bolan, 120 Gs çenli adaptiw täzelenme ýygylygyny goldaýan, şöhlelenmä garşy örtükli we Corning Gorilla Glass with DX gorag aýnaly 16 dýuýmlyk Dynamic AMOLED 2X sensor displeýi bilen enjamlaşdyryldy. Şeýle hem model Dolby Atmos goldawy bolan dört sany dinamigi aldy.
Galaxy Book 6 Edge noutbugy Windows 11 operasion ulgamynda işleýär we Copilot+ PC kategoriýasyna degişlidir. Interfeýsleriň arasynda HDMI 2.1, microSD sloty, bir sany USB 3.2 porty, iki sany USB 4.0 we utgaşdyrylan audio-porty göz önünde tutuldy. Noutbuk Wi-Fi 7 we Bluetooth 5.4 ulgamlaryny goldaýar.
Akkumulýator 22 sagada çenli wideo görmek mümkinçiligini üpjün edýär. 65 Wt kuwwatly zarýad beriş bolsa bary-ýogy 30 minutyň içinde 40%-e çenli zarýad doldurmaga mümkinçilik berýär.
Noutbugyň agramy 1,55 kg, ýogynlygy bolsa 13 mm-den hem azdyr. Gurluş 16 GB operatiw ýat (LPDDR5X) we 1 TB göwrümli SSD saklaýjysy bilen elýeterlidir.
Modeliň bahasy 2100 dollar.
