«Barselonanyň» we Ispaniýanyň ýygyndysynyň hüjümçisi Lamin Ýamal Amerikanynyň American Eagle egin-eşik brendiniň täze bütindünýä ilçisi boldy.
Kompaniýa 18 ýaşly futbolçy bilen hyzmatdaşlygyny 2026-njy ýylyň Dünýä çempionatyna bagyşlanyp guralan «Ready for the World» («Dünýä taýyn») atly mahabat taslamasynyň çäginde mälim etdi.
Kompaniýa ala-böle Lamin Ýamaly saýlamagynyň sebäbini onuň Z nesliniň arasyndaky meşhurlygy we diňe bir sport däl, eýsem, ondan daşary hem täsir edip bilmek ukyby bilen düşündirdi. Brendiň pikiriçe, bu hyzmatdaşlyk futboly, modany we häzirki zaman medeniýetini bir ýere jemleýär.
Ýamal dünýäniň iň geljegi uly ýaş futbolçylarynyň biri hasaplanylýar. Ol sportdaky üstünliklerinden başga-da, halkara derejesindäki söwda we mahabat taslamalaryna işjeň gatnaşmagyny dowam etdirýär.
