Internetde LEGO Icons 10382 Hubble Space Telescope toplumy barada maglumatlar peýda boldy. Bu gurnama 1990-njy ýyldan bäri orbitada işleýän we astronomiýa taryhyndaky iň meşhur ylmy gurallaryň birine öwrülen «Habbl» kosmos teleskopuna bagyşlanar.
Insayderleriň maglumatlaryna görä, toplum 2026-njy ýylyň 1-nji awgustynda satuwa çykar. LEGO heniz bu barada resmi beýannama bermedi. Maglumatdan belli bolşy ýaly, toplum 1552 bölejikden ybarat, onuň çak edilýän bahasy bolsa 139,99 dollar bolar.
Modeliň gapdallarynda Gün panelleri bolan kümüşsöw silindr görnüşli korpusy bolar. Gurnamada obserwatoriýanyň optiki ulgamyny janlandyrýan elementler, şeýle-de açylýan gapaklar we hereket edýän bölekler bolup biler. Ulular üçin niýetlenen Icons seriýasynyň beýleki toplumlary kysmy bu model hem maglumatly jedweli bolan gara direg bilen üpjün ediler. Toplumda oýunjak adamjyklar bolmajaga meňzeýär.
Mundan ozal LEGO teleskopuň kiçeldilen görnüşini NASA Space Shuttle Discovery toplumynyň düzüminde çykarypdy. Eger bu maglumat tassyklanylsa, täze gurnama 2026-njy ýylyň awgustynda meýilleşdirilen Icons seriýasynyň iki sany kosmos dahylly täze önüminiň biri bolar.
Bölejikleriň sany seriýanyň beýleki modellerine deňdir. Deňeşdirmek üçin: NASA Apollo 11 Lunar Lander toplumynda takmynan 1087, Saturn V-de bolsa 1969 bölejik bardy.
«Habbl» teleskopy 35 ýyllyk iş döwründe 1,5 milliondan gowrak ylmy synlary geçirdi we älemiň birnäçe meşhur suratlaryny düşürdi.
