Apple özüne degişli Apple Intelligence platformasynyň mümkinçiliklerini giňeltmek üçin Google Gemini emeli aňynyň ýöriteleşdirilen görnüşini ulanmagy meýilleşdirýär. Bloomberg žurnalisti Mark Gurmanyň maglumatlaryna görä, Apple bu tehnologiýa elýeterlilik üçin Google-a ýylda takmynan 1 milliard dollar tölär.
Çeşmeleriň bellemegine görä, Gemini tekstleri gysgaça jemlemek, meýilleşdirmek ýaly EA-funksiýalar üçin ulanylar we model Apple Private Cloud Compute serwerlerinde ýerleşdiriler. Bu kompaniýanyň maglumatlaryň gizlinligini goramak syýasatyna laýyk gelýär.
Şol bir wagtda Apple täze nesil Siri kömekçisini güýçlendirýän öz AI tehnologiýalaryny ulanmagyny dowam etdirer. Gurmanyň tassyklamagyna görä, Apple tarapyndan saýlanan Gemini wersiýasynda takmynan 1,2 trillion parametr bar — bu bolsa bulut versiýasyndaky Apple Intelligence modeliniň 150 milliard parametrinden has ýokary.
Google bilen hyzmatdaşlyk karary täzelenen Siri-niň işe girizilmegi gijikdirilenden soň kabul edildi. Apple alternatiwalary hökmünde OpenAI we Anthropic ýaly kompaniýalaryň modellerini hem göz öňünde tutupdy. Şeýle-de bolsa, bu şertnama Gemini çat-botunyň Siri-niň içine doly birleşdiriljekdigini aňlatmaýar — öň Siri, ChatGPT bilen integrasiýa edilen ýagdaýda galýar.
Apple-iň baş direktory Tim Kuk Siri-niň täze nesil wersiýasynyň geljek ýazda çykjakdygyny aýtdy. Şol bir wagtda kompaniýa daşarky EA üpjün edijiler bilen hyzmatdaşlygy dowam etdirmäge taýýardygyny, emma geljekde Gemini ýaly ýörite EA ulgamlarynyň ornuny tutup biljek öz modellerini hem ösdürýändigini aýtdy.
