Daşoguz welaýatynyň Boldumsaz etrabynda Pensiýa gaznasynyň bölüminiň täze edara binasy gurlar. Bu ugurda alnyp barylýan işler barada 23-nji oktýabrda wise-premýer H.Geldimyradow Hökümet mejlisinde hasabat berdi. Bu barada TDH habar berýär.
Prezident Serdar Berdimuhamedow ýurdumyzyň ähli sebitlerini durmuş-ykdysady taýdan ösdürmek, ilata edilýän döwlet hyzmatlarynyň hilini ýokarlandyrmak boýunça zerur işleriň alnyp barylýandygyny belledi. Döwlet Baştutany Daşoguz welaýatynyň Boldumsaz etrabynda Pensiýa gaznasynyň täze edara binasyny gurmak baradaky teklibi makullap, wise-premýere degişli işleri geçirmegi tabşyrdy.
