Alymlar täze doglan çagalarda diabetiň öň mälim bolmadyk görnüşini ýüze çykardylar. Ol TMEM167A atly geniň mutasiýasy bilen baglydyr.
Journal of Clinical Investigation (JCI) žurnalynyň habaryna görä, bu mutasiýa insulin öndürýän aşgazanasty mäziniň β- öýjükleriniň işini bozýar we olaryň heläk bolmagyna getirýär.
Geniň öýjük proseslerine edýän täsirini öwrenmek üçin alymlar CRISPR tehnologiýasyny we ösüş öýjümlerini (stem öýjümlerini) ulanyp geçiren barlaglarynda TMEM167A geniniň diňe insulin öndürmekde däl, eýsem, nerw öýjümleriniň kadaly işlemeginde-de möhüm rol oýnaýandygyny anykladylar. Kesellän çagalarda epilepsiýa we mikrosefaliýa ýaly nerw ulgamynyň bozulmalary hem ýüze çykaryldy.
Barlagyň awtorlarynyň bellemegine görä, bu seýrek görnüşdäki diabetiň açylandygy insuliniň bölünip çykma mehanizmini has gowy düşünmäge mümkinçilik berer. Geljekde bu açyş neonatal we beýleki diabet görnüşleriniň bejergisi üçin täze usullaryň işlenip düzülmegine esas bolup biler. Häzirki wagtda dünýäde takmynan 600 million adam diabet bilen kesellän hasaplanylýar.
