9-njy oktýabrda Türkmenistanyň daşary işler ministriniň orunbasary Mähri Bäşimowa Ýaponiýanyň ilçisi Hirosi Sasaki bilen duşuşdy.
Türkmenistanyň DIM-niň habar bermgine görä, duşuşykda taraplar türkmen-ýapon gatnaşyklarynyň syýasy-diplomatik, söwda-ykdysady we medeni-ynsanperwer ugurlar boýunça ösüşiniň ýokary depginini bellediler.
Taraplar halkara guramalarynyň, ilkinji nobatda BMG-niň çäklerinde hyzmatdaşlygy berkitmegiň mümkinçilikleri ara alyp maslahatlaşdylar.
Diplomatlar iki ýurduň özara gyzyklanma bildirilýän ähli ugurlar boýunça hyzmatdaşlygy ösdürmäge ygrarlydygyny tassykladylar.
