27-nji sentýabrda Eýranyň paýtagty Tähranyň Azady meýdançasynda we Ankarada Türkiýäniň söwda-senagat palatasynda we birža birleşiginiň binasynda Türkmenistanyň döwlet baýdagynyň şekiliniň reňkli yşyklandyryşy guraldy.
Eýranyň Azady binasynyň milli baýdagymyzyň reňkli yşyklandyryşynyň wagtynda ýurdumyzyň Döwlet senasy hem-de Türkmenistanyň Halk Maslahatynyň Başlygy Gurbanguly Berdimuhamedowyň «Öňe, öňe, diňe öňe, jan Watanym Türkmenistan» atly aýdymy ýaňlandy. Dabara Türkmenistanyň Eýrandaky ilçihanasy gurady.
Çärä Eýran Yslam Respublikasynyň Daşary işler ministrliginiň, Tähran şäher häkimliginiň, ýerli edaralaryň wekilleri hem-de ýurduň ýaşaýjylary gatnaşdy.
Şol gün şeýle hem Ankaranyň iň beýik binalary bolan Türkiýäniň söwda-senagat palatasy we birža birleşiginiň binasy Türkmenistanyň Döwlet baýdagynyň reňkine bezeldi. Haly gölli, ýarymaýly we bäş ýyldyzly gyzyl we ýaşyl baýdagynyñ aýdyñ çyra bezegi binalarda owadan şöhle saçdy.
Türkiýäniň söwda-senagat palatasy we birža birleşiginiñ binasynyñ beýikligi 140 m bolup, ol Ankaranyñ iñ beýik binalarynyñ biridigini we Türkiýäniň möhüm işewür merkezidigini bellemek zerur.
Bu waka bolsa iki ýurduň arasyndaky dostlugyň we doganlygyň nyşanydyr diýip, Türkmenistanyň DIM-niň metbugat gullugy belleýär.
