Aşgabatda şäher ugurlary boýunça täze Yutong ýolagçy awtobuslary hereket edip başlady. Kondisioner ulgamy bolan 12 metrlik üç gapyly ulag serişdeleri paýtagtymyzyň çäginde ýolagçylara kadaly hyzmat etmäge girişdiler.
Awtobuslar «Ýewro-5» ekologik standartlaryna laýyk gelýän hereketlendirijiler bilen enjamlaşdyryldy. Ýol hakynyň tölegi sanly ulgam arkaly amala aşyrylýar.
Ulag serişdelerinde ýolagçylaryň münüp-düşmegine gözegçilik etmek üçin degişli enjamlar hereket edýär. Şeýle hem wideogözegçilik we GPS ulgamy arkaly awtobuslaryň hereketini we sürüjiniň işini gözegçilikde saklap bolýar.
Awtobuslarda mümkinçiligi çäkli bolan ýolagçylar üçin hem zerur şertler göz öňünde tutulan. Şeýle hem duralga gelendigi barada sesli habar bermek ulgamy işleýär.
Jemi şäher awtoulag parkynyň täzelenmeginiň çäklerinde Aşgabada Hytaýda öndürilen 700 sany täze awtobus getirildi.
