14-nji sentýabrda Dohada Türkmenistanyň wise-premýeri, daşary işler ministri Raşid Meredow Kataryň halkara hyzmatdaşlyk boýunça döwlet ministri Mariam bint Ali bin Nasser Al-Misnad bilen duşuşdy. Duşuşyk Kataryň paýtagtynda duşenbe güni geçirilmegi meýilleşdirilen adatdan daşary arap-yslam sammitine taýýarlyk duşuşygynyň çäklerinde geçirildi diýip, Orient habar berýär.
Kataryň QNA habar gullugynyň maglumatyna görä, taraplar Türkmenistanyň we Kataryň arasyndaky hyzmatdaşlygyň ösdürilmegini hem-de özara gyzyklanma döredýän meseleleri ara alyp maslahatlaşdylar.
Daşary işler ministrleriniň taýýarlyk maslahaty 14-nji sentýabrda Kataryň premýer-ministri, daşary işler ministri şeýh Muhammet bin Abdel Rahman bin Jasem Al Tani tarapyndan geçirildi. Oňa Arap döwletleri ligasynyň we Yslam hyzmatdaşlyk guramasynyň agza döwletleriniň daşary syýasat edaralarynyň ýolbaşçylary gatnaşdy.
Mundan ozal Türkmenistanyň Daşary işler ministrligi beýanat bilen çykyş edip, Ysraýylyň Dohadaky ýaşaýyş etrabyna uran zarbalaryny ýazgarypdy.
