Türkmenistanyň Deňiz we derýa ulaglary döwlet gullugy «JAHAN» buksir gämisinde düýpli bejeriş işlerini geçirmek we zerur ätiýaçlyk şaýlaryny hem-de enjamlary satyn almak boýunça, şeýle hem «Gudrat» gämisine degişli ätiýaçlyk şaýlaryny we enjamlaryny satyn almak boýunça halkara açyk bäsleşik yglan etdi. Bu barada «Neýtralnyý Türkmenistan» gazetinde habar berilýär.
Bäsleşige gatnaşmak isleýän kompaniýalar guramanyň doly adyny, hukuk ýagdaýyny, hasaba alnan ýurduny, aragatnaşyk maglumatlaryny hem-de Türkmenistandaky wekiliniň görkezilen maglumatlaryny öz içine alýan ýazmaça arza tabşyrmalydyr. Şeýle-de, soňky üç ýylyň maliýe ýagdaýy barada maglumatlary we öňki iş tejribesi baradaky maglumatlary hödürlemek zerurdyr.
Bäsleşik resminamalarynyň toplumynyň bahasy ABŞ-nyň 250 dollaryna (GBS bilen birlikde) barabar. Ýerli kompaniýalar tölegi milli pulda geçirip bilerler. Gulluk bäsleşik resminamalarynyň taýýarlygy bilen baglanyşykly çykdajylar üçin jogapkärçilik çekmeýändigini belleýär.
Arzalar 2025-nji ýylyň 10-njy oktýabryna çenli, ýerli wagt bilen sagat 16:00-a çenli kabul edilýär. Bäsleşik teklipleri bolsa 2025-nji ýylyň 10-njy noýabryna çenli tabşyrylmalydyr.
Resminamalar taslamanyň ady görkezilen bukjalarda şu salga iberilmeli:
745000, Türkmenistan, Balkan welaýaty, Türkmenbaşy şäheri, Şagadam köçesi 8 «A», Türkmenistanyň Deňiz we derýa ulaglary döwlet gullugy.
Goşmaça maglumat üçin telefonlar:
+993 (65) 54-44-51
+993 (243) 6-07-46, 6-07-42
faks: 6-07-44
