14-nji awgustda Türkmenistanyň daşary işler ministri Raşid Meredow Hytaý Halk Respublikasynyň ýurdumyzdaky ilçisi Szi Şumin bilen duşuşyk geçirdi.
Türkmenistanyň DIM-niň habar bermegine görä, taraplar özara gyzyklanma bildirilýän ähli ugurlarda türkmen-hytaý gatnaşyklarynyň ösüşiniň ýokary derejesini kanagatlanma bilen bellediler.
Iki ýurduň arasyndaky ikitaraplaýyn gatnaşyklary pugtalandyrmagyň esasy şertleriniň biri hökmünde iň ýokary syýasy derejedäki yzygiderli dialogyň ähmiýeti nygtaldy.
Şunuň bilen baglylykda, taraplar ikitaraplaýyn we köptaraplaýyn görnüşlerde geçirilmegi meýilleşdirilýän saparlara we duşuşyklara taýýarlyk görmek bilen bagly meseleleri ara alyp maslahatlaşdylar.
