4-nji awgustda Türkmenistanyň Halk Maslahatynyň Başlygy Gurbanguly Berdimuhamedov BMG-niň deňze çykalgasy bolmadyk ösüp barýan ýurtlary boýunça üçünji maslahatyna gatnaşmak üçin ýurdumyza gelen Gazagystan Respublikasynyň Prezidenti Kasym-Žomart Tokaýew bilen duşuşyk geçirdi. Bu barada TDH habar berýär.
Gazagystanyň Prezidentini Türkmenbaşy şäheriniň Halkara howa menzilinde Gurbanguly Berdimuhamedow garşy alyp, halkara foruma gatnaşmak baradaky çakylygy kabul edendigi üçin dostlukly döwletiň Baştutanyna minnetdarlyk bildirdi.
— Bu abraýly maslahata gatnaşmak meniň üçin uly hormatdyr — diýip, Prezident Kasym-Žomart Tokaýew belledi hem-de Hazar deňziniň kenarynda geçiriljek BMG-niň deňze çykalgasy bolmadyk ösüp barýan ýurtlar boýunça üçünji maslahatynyň dowamynda kabul ediljek çözgütleriň üstünlikli durmuşa geçiriler diýip ynam bildirdi.
Bellenilişi ýaly, häzirki zamanyň möhüm meseleleriniň çözgüdine gönükdirilen bu halkara forumyň netijeleri ýurtlaryň arasyndaky özara bähbitli hyzmatdaşlygyň giňeldilmegine, döwletleriň sazlaşykly ösmegine, halklaryň bagtyýar we abadan durmuşynyň üpjün edilmegine hyzmat eder.
