"Türkmenistan" awiakompaniýasy içerki howa gatnawlarynyň täzelenen tertibini çykardy.
Täze tertibe laýyklykda, 2025-nji ýylyň 11-nji awgustyndan başlap Aşgabat – Türkmenbaşy we Türkmenbaşy – Aşgabat ugurlary boýunça uçar gatnawlary täzeden başlanar. Türkmenbaşy halkara howa menzili döwrebaplaşdyryş işlerinden soň ýene-de ýolagçylara hyzmat edip başlar. Bu ugur boýunça gatnawlar 1-nji sentýabra çenli her gün ýerine ýetiriler.
Şol bir wagtda, Balkanabat howa menzili hem işini dowam etdirer. Ol ýurduň beýleki welaýatlaryndan gelen gatnawlary kabul eder.
Täzelenen tertipde Aşgabat bilen welaýatlaryň arasynda hem-de welaýatlaryň çäklerinde ýerine ýetirilýän gatnaw ugurlary hem görkezilýär.
