25-nji ýanwardan başlap Türkmenistanyň milli awiagatnadyjysy halkara gatnawlaryny ýerine ýetirmegiň täze tertibine geçdi. Bu barada Türkmenistan habarlar portaly habar berýär. Indi Aşgabatdan Ýewropanyň, Aziýanyň we Ýakyn Gündogaryň 14 şäherine göni uçuşlar amala aşyrylýar.
Awiakompaniýa Aşgabatdan şu aşakdaky şäherlere göni gatnawlary amala aşyrýar:
- Aziýa: Pekin (Hytaý), Bangkok (Tailand), Hoşimin (Wýetnam), Kuala-Lumpur (Malaýziýa), Seul (Koreýa Respublikasy) we Deli (Hindistan);
- Ýewropa: London (Beýik Britaniýa), Frankfurt (Germaniýa), Milan (Italiýa), Stambul (Türkiýe) we Kazan (Russiýa);
- Ýakyn Gündogar: Dubaý (BAE), Abu-Dabi (BAE) we Jidda (Saud Arabystany).
Täze tertibe laýyklykda, her ugur boýunça gatnawlaryň sany ýolagçy islegini göz öňünde tutmak bilen paýlanyldy. Häzirki wagtda Stambul we Kazan şäherlerine uçuşlar iň köp isleg bildirilýän ugurlardyr.
Uçuşlaryň we gonuşlaryň senesi hem-de wagty baradaky soňky maglumatlar awiakompaniýanyň resmi saýtynda ýerleşdirildi.
Mundan ozal, tmcars.info türkmen awiagatnadyjysynyň birnäçe halkara ugurlar boýunça uçuşlarda çagalar üçin ýeňillikli nyrhlary girizendigi barada habar beripdi.
