2025-nji ýylyň başyndan bäri amerikan tehnologiýa kompaniýalary emeli aň çözgütleriniň ornaşdyrylmagy sebäpli 94 000 töweregi işgäri işden çykardy. Resmi statistika maglumatlaryna görä, iş prosesleriniň awtomatizirlenmegi köpçülikleýin işden çykarmalaryň esasy sebäbi boldy.
Microsoft-da, esasanam, işläp taýýarlama we orta menejment bölümçelerinde 15 müň işgär işden çykaryldy. IBM kompaniýasy AskHR çat-botunyň kömegi bilen işgärleri dolandyryş funksiýasyny doly awtomatizirledi. Bu bolsa HR bölümlerinde 8 müň işgäriň işden aýrylmagyna getirdi.
Aýratynam, Demirgazyk Amerikanyň tehnologiýa merkezlerinde işden çykarmalar köp boldy. Kremniý jülgesinde 11 müňden gowrak adam öz işini ýitirdi. Tehasda Tesla zawodlarynda 14 müň iş orny azaldyldy. Microsoft-yň ştab-kwartirasynda 2,3 müň işden çykarma hasaba alyndy.
Analitikler häzirki işden çykarmalaryň öňkülerden tapawutlanýandygyny belleýär. Stenford uniwersitetinden ykdysady ylymlaryň doktorynyň aýtmagyna görä, bu wagtlaýyn çäre däl-de, işi guramagyň täze modeline yzygiderli geçişdir.
Hünär jemgyýeti hünärmenlere EA tarapyndan çalşyp bolmajak başarnyklary ösdürmegi maslahat berýär: strategiki meýilnamalaşdyryş, çylşyrymly taslamalary dolandyrmak we dürli bilimlerden baş çykarmak.
Halkara zähmet guramasynyň çaklamalaryna görä, awtomatizirlemä bolan tendensiýa geljek 3-5 ýylda saklanar.
