Alphabet holdinginiň düzümine girýän Isomorphic Labs kompaniýasy emeli aň tehnologiýalaryny ulanyp, düwnük keseline garşy derman serişdesini işläp taýýarlaýar. Bu barada Fortune neşiri habar berýär.
Kompaniýanyň prezidenti we Google DeepMind-yň işewürlik müdiri Kolin Merdogyň aýtmagyna görä, derman serişdesini taýýarlamak işleri birnäçe ýyl bäri dowam edýär we ýakyn wagtda kliniki synaglara başlamak meýilleşdirilýär.
“Indiki möhüm ädim – bu adam organizmine goýberip başlamagy göz öňünde tutýan kliniki synaglar” – diýip, Merdok belledi.
Isomorphic Labs ozal Alphabetiň EA-a ýöriteleşen bölümçesi Google DeepMind-yň düzümine girýärdi. Kompaniýa beloklaryň gurluşyny ýokary takyklyk bilen çaklap biljek emeli aň ulgamyny döretdi, bu hem täze derman serişdelerini döretmek işini ep-esli çaltlaşdyrýar.
2024-nji ýylda Isomorphic Labs kompaniýasy Novartis we Eli Lilly farmasewtika kompaniýalary bilen gözleg şertnamalaryny baglaşdy.
