Jons Hopkins uniwersitetiniň alymlary ýüregiň birden durmak howpuna degişli alamatlary ýokary takyklyk bilen ýüze çykarýan emeli aň algoritmini işläp düzdüler.
Model hassalaryň doly lukmançylyk maglumatlaryny, şol sanda öňki ýürek MRT (magnit-rezonans tomografiýa) barlaglaryny hem seljerýär we ölüm howpuny ýokarlandyrýan dokumanyň, ýagny fibrozanyň bardygyny-ýokdugyny kesgitleýär.
Neýrotor her 200-500 adamdan birinde duş gelýän we nesil yzarlaýan gipertrofiki kardiomiopatiýa keseline diagnoz goýmak üçin döredildi. Bu kesel, esasan-da, ýaşlarda we bedene fiziki taýdan agram berlende (agyr zat götermek, çendenaşa agyr maşklary ýerine ýetirmek we ş.m.), ýüregiň birden durmagyna, netijede, ölüme getirip bilýär. Töwekgelçilige duçar boljaklaryň, takmynan, ýarysyny anyklap bilýän adaty usullardan tapawutlylykda, täze ulgam 89% takyklyk görkezýär; 40-60 ýaş aralygyndaky hassalarda bolsa bu görkeziji 93%-e çenli ýetýär.
Barlagyň awtory Natalýa Traýanowanyň bellemegine görä, bu tehnologiýa haýsy hassalara hakykatdanam kardiodefibrillýatory (ýüregiň urşuny kadalaşdyrýan enjam) oturtmagyň zerurdygyny, haýsysyna bolsa zerur däldigini has dogry kesgitlemäge mümkinçilik berer. Onuň sözlerine görä, bu gereksiz hirurgiki bejerişlerden gaça durmaga we hakyky howp astyndaky hassalara wagtynda kömek etmäge ýardam berer.
