Türkmenistan 4-6-njy iýun aralygynda Azerbaýjanyň Baku şäherinde geçirilen BMG-niň Syýahatçylyk guramasynyň Ýewropa sebiti üçin Komissiýasynyň 71-nji mejlisine gatnaşdy. Bu barada Türkmenistanyň DIM-niň metbugat gullugy habar berdi.
Mejlisde türkmen wekiliýetine Türkmenistanyň Germaniýadaky ilçisi, Türkmenistanyň BMG-niň Syýahatçylyk guramasynyň ýanyndaky Hemişelik wekili B.Rejepow ýolbaşçylyk etdi.
Çärä türkmen BMG-niň Syýahatçylyk guramasynyň Ýewropa sebiti üçin Komissiýasynyň agzasy bolan 38 ýurduň wekilleri hem gatnaşdylar. Duşuşygyň dowamynda sebitdäki syýahatçylyk pudagyny ösdürmegiň esasy meseleleri, şol sanda agza ýurtlaryň mundan beýläk hem bilelikde hyzmatdaşlyk etmek babatynda ylalaşan häzirki zaman kynçylyklary ara alnyp maslahatlaşyldy.
BMG-niň Syýahatçylyk guramasynyň çäginde öňe sürülýän başlangyçlara işjeň gatnaşýan Türkmenistanyň milli we sebit derejesinde syýahatçylyk pudagynyň ösmegine uly ähmiýet berýändigi bellenildi. Şunuň bilen baglylykda, Türkmenistan syýahatçylyk pudagynda halkara hyzmatdaşlygyny pugtalandyrmaga, syýahatçylyk infrastrukturasyny ösdürmek babatynda häzirki zaman çemeleşmeleri girizmäge, şeýle hem Türkmenistanyň baý medeni we tebigy mirasyny dünýä arenasyna çykarmaga aýratyn üns berýär.
