Euro NCAP 2025 model ýylynyň awtoulaglarynda sürüjilere kömek ulgamlarynyň synaglaryny geçirdi. Synagyň netijelerine görä, Kia EV3, Porsche Macan, Renault 5 we Toyota bZ4X “Örän gowy” diýen ýokary bahany aldy.
Bu awtoulaglar ulgamynyň ygtybarly işleýändigini we sürüji bilen gowy gatnaşygy görkezdi.
Tesla Model S we Volvo EX30, howpsuzlyk ugrundan abraýlydyklaryna garamazdan, “Orta” derejäni aldy. Tesla Model S-iň Autopilot ulgamy pes kömek derejesini görkezdi, ýagny Assistance Competence ölçegine görä 30% boldy. Doly awtomatiki görnüşde diýip mahabatlandyrylsa-da, tamany ödemedi.
Volvo EX30 hem durnukly işleýşini görkezip bilmedi: Pilot Assist ulgamy rulda sürüjiniň elleriniň ýoklugyna elmydama ýeterlik jogap berip bilmedi.
Şeýlelikde, Kia, Porsche we Toyota kömek tehnologiýalarynyň ýokary hilli integrasiýa edilendigi netijesinde öňdebaryjy orny eýeledi. Netijeler, ýol howpsuzlygyny üpjün etmek üçin şeýle ulgamlary ygtybarly we netijeli gurnamagyň möhümdigini görkezýär.
