Türkmenabatdaky S.A.Nyýazow adyndaky himiýa zawodynda superfosfat we ammoniý sulfaty dökünlerini öndürýän toplum gurlar. «Türkmenhimiýa» döwlet konsernine degişli toplumyň taslamasyny düzmek we ony gurmak barada Koreýa Respublikasynyň «Daewoo Engineering & Construction Co., Ltd» kompaniýasy bilen şertnama baglaşmaga ygtyýar berýän Karara Türkmenistanyň Prezidenti gol çekdi.
Toplumyň kuwwaty ýylda 350 müň tonna superfosfat we 100 müň tonna ammoniý sulfaty dökünlerini öndürmäge ukyply bolar.
Bellenilişi ýaly, bu resminama ýurdumyzyň oba hojalyk önüm öndürijilerini zerur bolan fosforly dökünler bilen üpjün etmek hem-de mineral dökünleriň täze görnüşini öndürmek maksady bilen kabul edildi.
