28-nji aprelde Prezident Serdar Berdimuhamedow Ykdysady Hyzmatdaşlyk Guramasynyň durnukly ösüş boýunça ministrler derejesindäki birinji forumyna gatnaşmak maksady bilen ýurdumyza gelen Özbegistan Respublikasynyň Premýer-ministriniň orunbasary Açilbaý Ramatowy kabul etdi diýip, TDH habar berýär.
Özbegistanyň Premýer-ministriniň orunbasary Arkadag şäheriniň özünde galdyran täsiri barada aýdyp, türkmen halkynyň Milli Lideriniň başlangyjy bilen bina edilen “akylly” şähere haýran galandygyny nygtady. Bellenilişi ýaly, öňdebaryjy sanly we “ýaşyl” tehnologiýalaryň ornaşdyrylmagy esasynda bu ýerde adamlaryň rahat ýaşamagy, iri halkara çäreleri geçirmek üçin ähli şertler döredilipdir.
Serdar Berdimuhamedow YHG-nyň Arkadag şäherinde geçirilýän forumynda öňe sürülýän pikirleriň we teklipleriň geljekde oňa gatnaşyjy ýurtlaryň durmuş-ykdysady ösüşine saldamly goşant goşjakdygyna ynam bildirdi. Şeýle hem döwlet Baştutany forumyň sebit hyzmatdaşlygyny mundan beýläk-de pugtalandyrmaga ýardam berjekdigini belledi.
Serdar Berdimuhamedow mümkinçilikden peýdalanyp, Gurbanguly Berdimuhamedowa gadymy Samarkant topragynda bildirilen myhmansöýerlik üçin minnetdarlygyny beýan etdi.
