Serdar Berdimuhamedow Ýaponiýanyň işewür toparlarynyň wekilleri geçiren duşuşygynyň barşynda ýapon işewür toparlary bilen hyzmatdaşlyk etmek üçin birnäçe anyk tekliplerini beýan etdi.
- Birinjiden, Türkmenistanyň bazarynda ýapon tehnologiýalaryny we önümlerini, aýratyn-da, olary maşyn gurluşygy, elektronika, himiýa senagaty ýaly pudaklarda ornaşdyrmaga taýýardyrys.
- Ikinjiden, biziň ýurdumyz suw tygşytlaýjy we arassalaýjy, galyndylary gaýtadan işlemek, “ýaşyl” hem-de wodorod energetikasy boýunça ösen ýapon tehnologiýalaryny ornaşdyrmaga gyzyklanma bildirýär.
- Üçünjiden, Türkmenistanda kiçi we orta ýapon kärhanalarynyň işewürligi ýöretmek, Ýaponiýada türkmen kärhanalarynyň iş alyp barmak mümkinçiligini öwrenmegi teklip edýärin diýip, Prezident Serdar Berdimuhamedow çykyşynda belledi.
"Türkmenistan bu teklipleri ara alyp maslahatlaşmaga taýýar, ykdysady hem-de işewürlik hyzmatdaşlygyny ynamly meýilleşdirmek üçin ýurdumyzda ähli şertler bar" diýip, döwlet Baştutany aýtdy.
Pursatdan peýdalanyp, Serdar Berdimuhamedow ýapon işewürlerini Türkmenistanyň hemişelik Bitaraplygynyň 30 ýyllygy mynasybetli Aşgabatda geçiriljek halkara foruma hormatly myhman hökmünde gatnaşmaga çagyrdy.
