Tesla Hytaýda sürüjä kömek ulgamyny (ADAS) gowulandyrmak üçin Hytaýyň Baidu kompaniýasy bilen hyzmatdaşlyk edýär diýip, çeşmelere salgylanýan Reuters habar berýär.
Çeşmeleriň berýän habaryna görä, Baidu ýol örtükleri we ýolyşyk yşaratlary ýaly nawigasiýa maglumatlaryny Full Self-Driving (FSD) programma üpjünçiliginiň 13-nji wersiýasyna birleşdirmek üçin Teslanyň Pekindäki ofisine kartalaşdyryş toparynyň inženerlerini iberdi. Olaryň sany we Teslada işlemeli möhleti anyk aýdylmaýar, ýöne taslamanyň maksady FSD V13-e Hytaýyň ýollary barada has takyk maglumatlary bermekden ybarat.
Hyzmatdaşlyk Hytaýda we ABŞ-da maglumat ýygnamagyň düzgünleriniň has berkleşmeginiň, munuň bolsa hytaý bazarynda doly awtopilot öndürmegi kynlaşdyrýandygynyň fonunda çuňlaşýar. ABŞ-da AI-niň ýerli şertlere uýgunlaşdyrylanlygy sebäpli, FSD karta az garaşly. Hytaýda Tesla özüniň 2 million elektrik ulagy baradaky maglumatlary, kanunçylyk we şuňa meňzeş softy tölegsiz hödürleýän BYD hem-de Xpeng bilen bäsdeşlik sebäpli, ulanyp bilmeýär. Baidu üçin Tesla bilen hyzmatdaşlyk uly goldaw bolup biler, çünki onuň AI boýunça başlangyçlary DeepSeek we ByteDance ýaly garşydaşlarynyňkydan yzda galýar. Tesla bilen Baidu häzirlikçe düşündiriş bermekden saklandy.
