Türkmenistan şu ýylyň aprel-oktýabr aralygynda Ýaponiýanyň Osaka şäherinde geçiriljek “EKSPO — 2025” Bütindünýä sergisine ýokary derejede gatnaşmak boýunça taýýarlyk işlerini alyp barýar.
14-nji martda geçirilen Hökümet mejlisiniň barşynda wise-premýer N.Atagulyýew ýurdumyzyň Bütindünýä sergisine gatnaşmagynyň çäklerinde geçirilmegi teklip edilýän çäreleriň sanawynyň işlenip taýýarlanylandygyny aýtdy we Türkmenistanyň Prezidentiniň garamagyna degişli teklibi hödürledi.
Bellenilişi ýaly, Türkmenistanyň milli pawilýonynda ýurdumyzda gazanylýan ösüşler, ýetilen belent sepgitler giňden beýan ediler.
Prezident Serdar Berdimuhamedow «EKSPO — 2025» Bütindünýä sergisine gowy taýýarlyk görmegiň wajypdygyny nygtap, bu ugurda taýýarlanan teklibi goldady.
